16 թեթև ֆիլմ՝ հանգստանալու համար

Ժամանակ առ ժամանակ բոլորիս կյանքում էլ լինում են լարված պահեր, երբ անհրաժեշտ է լինում ուղղակի հանգստանալ, հանգստացնել նյարդերը և մոռանալ խնդիրների մասին:
Առաջարկում ենք ձեզ 16 թեթև ֆիլմ հենց նման իրավիճակների համար:

1. Հասարակ դժվարություններ (It’s Complicated) 

Շատ բարի, անկեղծ ընտանեկան ֆիլմ է: Ջեյնն ունի ծաղկուն բիզնես, նոր հարաբերություններ և վերջերս է բաժանվել ամուսնուց: Նրան թվում է, թե իր կյանքը շատ կանխատեսելի է, մինչ այն պահը, երբ իր նախկին ամուսին Ջեյքը որոշում է վերադարձնել նրան:

2. Մենք Միլերներն ենք (We're the Millers) 

Այս ֆիլմն իսկական կոմեդիա է: Այն համարում են շատ ծիծաղելի և սուր կատակների շտեմարան: Դեյվիդը ցանկանում է օգնել պատանիներին, սակայն այդ ընթացքում նրանից խլում են ամեն ինչ: Այս իրավիճակում նրա միակ ելքը կեղծ ընտանիք կազմելն ու թմրանյութերի տեղափոխմամբ զբաղվելն է:

3. 1+1 

Այս ֆիլմի ռեժիսորներին և դերասաններին հաջողվել է ստանալ թեթև, անկեղծ, կենսախինդ ֆիլմ: Այստեղ առկա է հակադրությունների շղթա, որոնք համեմում են ֆիլմը: Տարբեր մշակույթների բախումը ստեղծում է նրբանկատ հումոր:

4. Արձակուրդ (The Holiday) 

Հուսահատության մեջ գնվող երկու կին ծանոթանում են համացանցով և որոշում են փոխել իրենց կյանքը՝ ապրելով միմյանց բնակարաններում: Տեղափոխությունից հետո նրանց կյանքը գլխիվայր շրջվում է:

5. Իրական սեր (Love Actually) 

Սերը կարող է փոխել ամեն ինչ և կարող է միացնել անգամ հայտնի քաղաքական գործչին, ով սիրահարվում է ամեն օր, և երիտասարդ գրողին, ով մեկնում է Ֆրանսիա, որպեսզի մոռանա սիրային հիշողությունները: Ֆիլմն իսկական սիրո մասին է: Բացի այդ, սա ֆիլմ-աստղաբույլ է:

6. Միշտ ասա՝ այո (Yes Man) 

Միջին մակարդակի մենեջերը դեպրեսիայի մեջ է: Աշխատանքային և անձնական փակուղիներ, որ հաղթահարել է պետք: Ջիմ Քերիի մարմնավորած կերպարը որոշում է այսուհետ միշտ ասել՝ այո՝ համաձայնելով ցանկացած առաջարկի: Այս որոշումը նրանց կանգնեցնում է լուրջ փոփոխությունների առաջ: Սա իրավիճակ է, որում պետք է լինենք բոլորս:

7. Мамма Мia! 

ABBA խմբի երգերի վրա հիմնված այս մյուզիքլն անտարբեր չի թողնի անգամ նրանց, ովքեր չեն սիրում մյուզիքլի ժանրը: Բացի այդ, ֆիլմում կան պարզապես հրաշալի տեսարաններ, իսկ փայլուն դերասանական խաղը դառնում է ֆիլմի ամենահամեղ համեմունքներից:

8. Ի՞նչ է պատահել Վեգասում (What Happens in Vegas) 

Լաս Վեգասում անցկացրած խելացնոր գիշերից հետո երիտասարդներն արթնանում են մեկ անկողնում: Պարզվում է, որ նրանք գիշերն ամուսնացել են և շահել են հսկայական գումար: Զույգի յուրաքանչյուր կողմ մտածում է՝ ինչպես ազատվել կողակցից և իրեն պահել ողջ եկամուտը:

9. Ընկերական սեքս (Friends with Benefits) 

Այս ֆիլմն ամենից ուրախ և թեթև ֆիլմերից է: Երիտասարդ գործակալը հոգնել է հարաբերություննից և ուզում է ապրել ազատ կյանքով: Նա հանդիպում է հայտնի ամսագրի խմբագրին, ում մոտ նույն իրավիճակն է: Նրանք որոշում են լինել լավ ընկերներ, բայց միևնույն ժամանակ՝ ունենալ ինտիմ կյանք: Սակայն կյանքը նրանց համար այլ բան էր նախատեսել:

10. Խենթ, հիմար սեր (Crazy, Stupid, Love) 

Այս ֆիլմի ընթացքում կարելի է և լավ ծիծաղել, և անհանգստանալ գլխավոր հերոսների համար: Ամուսնալուծությունից հետո նոր կյանք սկսելիս շատերն են քեզ կյանքի ճանապարհ ցույց տալիս, բայց ֆիլմն ապացուցում է, որ պետք է լսել սրտի ձայնին:

11. Խոստանալ չի նշանակում՝ ամուսնանալ (He’s Just Not That into You) 

Տղամարդկանց և կանանց անվերջ պայքարը՝ ամուսնանա՞լ, թե՞ ոչ: Ֆիլմը պատմում է հենց այս բարդ հարաբերությունների մասին, բայց ծիծաղի և սարկազմի միջոցով:

12. Նորը՝ թաղամասում (New in Town) 

Ֆիլմի գլխավոր հերոսուհին սիրում է շքեղ կյանք, մեքենաներ, բայց մի օր որոշում է լքել հարազատ տաք Մայամին և մեկնել ավելի ցուրտ քաղաք: Նրա արկածների մասին էլ պատմում է ֆիլմը:

13. Հաջողություն, Չակ (Good Luck Chuck) 

Երիտասարդ ատամնաբույժը նկատում է հետաքրքիր մի երևույթ. Յուրաքանչյուր աղջիկ, ով հարաբերություններ է ունենում իր հետ, գտնում է իր կյանքի իդեալական կեսին: Այս ամենը նրան դուր է գալիս մինչ այն պահը, երբ նա հանդիպում է մի աղջկա և սիրահարվում է:

14. Օրվա ասպետը (Knight and Day) 

Գեղեցկուհին օդանավակայանում հանդիպում է հատուկ գործակալին և որոշում է ամենուր լինել նրա հետ: Շատ դինամիկ, հետաքրքիր և սիրային ֆիլմ է, որը դիտվում է մեկ շնչով:

15. Կեր, աղոթիր, սիրիր (Eat Pray Love) 

Ֆիլմի գլխավոր հերոսուհին հասկանում է, որ չի ապրում այն կյանքով, որի մասին երազել է: Ցավալի բաժանումից հետո նա սկսում է ճանապարհորդել և բացահայտել նոր աշխարհներ: Ֆիլմը հանդարտ ընթացք ունի և խորհուրդ է տրվում դիտել համբերատար մարդկանց:

16. Բոբիկ՝ կամրջի վրայով (Barfuss) 

Այս ֆիլմում գլխավորը տրամադրությունն է: Գլխավոր հերոսը փրկում է մի աղջկա ինքնասպանությունից, իսկ աղջիկն էլ թաքուն հետևում է նրան և մի օր հայտնվում նրա դռան դիմաց՝ բոբիկ:

Սիրարփի Աղաբաբյան

168.am